തിരുവനന്തപുരം:​ ​പൾസർ സുനിയുടെ വെളിപ്പെടുത്തൽ 2017 ഫെബ്രുവരി 17-ന് ഓടുന്ന കാറിൽവെച്ച് അതിക്രമത്തിനിരയായ നടിയോട് സുനി പറഞ്ഞത്, "എല്ലാം ക്വട്ടേഷന്റെ ഭാഗമാണ്. ഞങ്ങൾ നഗ്നദൃശ്യങ്ങൾ എടുക്കും. ബാക്കി ഡീൽ ഒക്കെ അവർ സംസാരിച്ചോളും..." എന്നായിരുന്നു.
​ദിലീപിന്റെ വിമോചനം. മുൻ ഭാര്യ മഞ്ജു വാര്യരുമായുള്ള ബന്ധം അതിജീവിത അറിയിച്ചതിലെ പകയാണ് ക്വട്ടേഷന് പിന്നിലെന്ന പ്രോസിക്യൂഷൻ വാദം വിചാരണക്കോടതി തള്ളി. ഇതോടെ ക്വട്ടേഷൻ നൽകിയ യഥാർത്ഥ വ്യക്തി ആരാണെന്ന ചോദ്യം വീണ്ടും ഉയരുന്നു.
​ഗൂഢാലോചന: ദിലീപിന്റെ പ്രതികരണം: വിധിക്കുശേഷം "മഞ്ജു വാര്യരുടെ പരാമർശത്തോടെയാണ് തനിക്കെതിരെ ഗൂഢാലോചന ആരംഭിച്ചത്" എന്ന ദിലീപിന്റെ പ്രസ്താവന, പൾസർ സുനിക്ക് പിന്നിലെ 'ക്രിമിനൽ ബുദ്ധി' ആരുടേതെന്ന സംശയം വർദ്ധിപ്പിക്കുന്നു.
​ദുരൂഹമായ 'മാഡം': അതിക്രമത്തിന്റെ ദൃശ്യങ്ങൾ പോലീസിന്റെ പിടിയിലാകുന്നതിനു മുൻപ് ഒരു 'മാഡ'ത്തിന് കൈമാറിയെന്ന് സുനി മൊഴി നൽകിയിരുന്നു. ആരാണ് ഈ 'മാഡം' എന്ന് ഇതുവരെ കണ്ടെത്താനായിട്ടില്ല. കാവ്യാ മാധവന്റെ സ്ഥാപനമായ 'ലക്ഷ്യ'യിൽ സുനി എത്തിയെന്ന മൊഴിയെത്തുടർന്ന് റെയ്ഡ് നടന്നെങ്കിലും 'മാഡം' കാവ്യയാണെന്ന് തെളിയിക്കാനായില്ല.
​വിവാഹം മുടക്കലോ?: നടിയുടെ വിവാഹ നിശ്ചയത്തിന് തൊട്ടുപിന്നാലെയാണ് അതിക്രമം നടന്നത്. ദൃശ്യം പകർത്തുന്നതിനിടെ വിവാഹ മോതിരംകൂടി പതിയണമെന്ന് ക്വട്ടേഷൻ നൽകിയ ആൾ നിർദ്ദേശിച്ചതായി സുനി മൊഴി നൽകിയിരുന്നു. ഇത് വിവാഹം മുടക്കാൻ ലക്ഷ്യമിട്ടൊരു ക്വട്ടേഷനായിരുന്നോ എന്ന സംശയം ശക്തമാക്കുന്നു.
​തെളിവുകൾ എവിടെ?: കേസിൽ നിർണായകമായ, ദൃശ്യങ്ങൾ പകർത്തിയ ഫോൺ ഇന്നും കണ്ടെത്താൻ അന്വേഷണ സംഘത്തിന് സാധിച്ചിട്ടില്ല.
​